chawushoghlu tajikstan tashqi ishlar ministiri bilen körüshti
tashqi ishlar ministiri mewlüt chawushoghlu türkiye bilen tajikstan otturisidiki munasiwetlerning iqtisad, soda, medeniyet, xewpsizlik, maarip we konsulxana ishlirini öz ichige alghan nurghun sahelerde tereqqiy qilghanliqini bildürdi.
türkiye awazi radiyosi xewiri: türkiye tashqi ishlar aministiri mewlüt chawushoghlu tajikstanda, tashqi ishlar ministiri sirojiddin muhriddin bilen körüshkendin kéyin birlikte muxbirlarni kütüwélish yighini ötküzdi.
u körüshüshte, ikki dölet munasiwetlirini tereqqiy qildurush üchün basalaydighan qedemlerni muzakire qilghanliqlirini bildürüp, mushu yil (2021) ichide we kelgüside emelge ashurulidighan özara ziyaretler üstidimu toxtaldi.
u türkiye jumhur reisi rejep tayyip erdoghanning wuxen wirusi (Kovid-19) sewebidin kéchiktürüshke mejbur qalghan tajikstan ziyaritini, mumkin bolsa, bu yil ichide emelge ashurushni xalaydighanliqini we bu ziyaret wesilisi bilen hemkarliq kéngishi yighinini ötküzüshni xalaydighanliqlirini qeyt qildi.
u rejep tayyip erdoghanning tajikstan pirézidénti imameli raxmanni 18-20-iyun künliri ötküzülidighan «antalya diplomatiye munbiri» de kütüwélishtin memnunluq hés qilidighanliqini eskertti.
u tajikstan puqralirining türkiyege wizisiz kéleleydighanliqini we 90 kün turalaydighanliqini bildürüp: «inshaallah aldimizdiki künlerde, hazir bu toghrida xizmetlerni ishlewatimiz, tajikstanmu türkiye puqralirigha qarita wizini emeldin qaldurar» dédi.
u türkiye hawa yolliri shirkitining tajikstangha téximu köp ayropilan sepiri qoyushni xalaydighanliqini we bu mesilide tajikstan organliridin qollashni telep qilidighanliqlirini tekitlidi.
u: «türkiyede ötküzülidighan afghanistan yighinida, qérindishim sirojiddin muhriddinni körüshtin xushalliq hés qilimen» dédi.
