җумһур рәислик кабинети йиғини әтә чақирилиду
әтә җумһур рәислик кабинети җумһур рәис рәҗәп таййип әрдоғанниң рийасәтчиликидә баштәпәдә чақирилиду.
1609913
түркийә авази радийоси хәвири: җумһур рәислик кабинет йиғинниң асаслиқ күнтәртип маддиси ковид-19 йуқумиға қарши күрәш болиду.
тәдриҗий нормаллаштурушқа алақидар 1 айлиқ җәрйан музакирә қилиниду, йуқумлиниш нисбитидики көпийиш анализ қилинип, өзгиришкә учриған вирусниң тарқилиш җәрйани көздин кәчүрилиду.
йуқумниң сәһийә, маарип, иқтисад вә иҗтимаий турмушқа көрситидиған тәсири музакирә қилинип, тәдбирләрни қандақ давамлаштуруш қарар қилиниду.
йиғинда ваксина әмләш хзмәтлириниң әң йеңи әһвали вә йол хәритиси музакирә қилиниду.
хитай, германийә вә русийә қатарлиқ чәт әлләрдин ваксина сетивилиш хизмәтлири вә дөләт ичидики ваксина тәтқиқатиму музакирә қилиниду.
җумһур рәис әрдоған кабинет йиғинида чиқирилған қарарларни амма билән ортақлишиду.
