түркийәдә 14 милйондин артуқ ваксина әмләнгән
сәһийә министири фаһрәттин коҗа түркийәдә һазирғичә 14 милйондин артуқ ваксина әмләнгәнликини билдүрди.
1608668
түркийә авази радийоси хәвири: сәһийә министири фаһрәттин коҗа билим кеңиши йиғинидин кейин ахбарат елан қилиш йиғини өткүзүп, вабаға қарши туруш хизмәтлири тоғрисида мәлумат бәрди.
у: «1.4 милйон данә бийонтек (BioNTech) ваксинаси кәлди. бу сан апрел ейиниң бешида 4.5 милйонға йетиду. буниңға қошумчә, 30 милйон данә ваксина келишими имзаланди» деди.
у май ейиниң ахириғичә җәмий 100 милйон данә ваксинаниң йәткүзүлүшини үмид қилидиғанлиқлирини билдүрүп: «дөлитимиз бүгүн йәрлик ваксинаниң биринчи басқучлуқ синақлирини башлиди. бу ваксина түри пүткүл дунйадики йеңи техника қоллинилған ваксина намзатлиридин бири» деди.