«түркийә – хитай мунасивәтлирини истиратегийәлик шериклик сәвийәсигә йәткүзүшни халаймиз»
ташқи ишлар министири мәвлүт чавушоғлу түркийә – хитай мунасивәтлирини истиратегийәлик шериклик сәвийәсигә йәткүзүшни халайдиғанлиқлирини ейтти.
түркийә авази радийоси хәвири: мәвлүт чавушоғлу, пайтәхт әнқәрәдә, хитай ташқи ишлар министири ваң йи билән айрим вә һәйәтләр ара учришишларни елип барди.
чавушоғлу, һәйәтләр ара учришишлар һарписида бәргән байанатида, хитай дөләт рәиси ши җинпиңниң түркийәдә зийарәттә болушидин хурсән болидиғанлиқлирини, бу даиридә икки дөләт оттурисидики мунасивәтләрни истиратегийәлик шериклик сәвийәсигә йәткүзүшни халайдиғанлиқлирини әскәртиш билән бир вақитта, ташқи ишлар министирлири мәслиһәт кеңиши миханизими йиғининиңму кейинрәк кәң даирилик өткүзүлидиғанлиқини ейтти.
икки министир, кейинчә «ковид – 19» ваксиниси саһәсидә өткүзүлгән вә түркийә – хитай оттурисидики һәмкарлиқ намайән қилинған фото сүрәт көргәзмисини екискурсийә қилди.
ваң йи, җумһур рәис рәҗәп таййип әрдоған тәрипидинму қобул қилиниду.
