адаләт вә тәрәққийат партийәсиниң 7 – нөвәтлик чоң қурултийи бүгүн чақирилиду
җумһур рәис, қошумчә адаләт вә тәрәққийат партийәси рәиси рәҗәп таййип әрдоған, әнқәрә тәнтәрбийә залида өткүзүлидиған қурултайда иштиракчиларға хитаб қилиду вә партийәсиниң 2023 - йиллиқ хитабнамәсини елан қилиду.
1607348
түркийә авази радийоси хәвири: җумһур рәис, қошумчә адаләт вә тәрәққийат партийәси рәиси рәҗәп таййип әрдоған, әнқәрә тәнтәрбийә залида өткүзүлидиған қурултайда, партийәсиниң 2023 – йиллиқ сайлам хитабнамисини елан қилиду, партийә әзалириға хитаб қилиду, партийәсиниң тәшкилий аппаратлиридин күтидиғанлирини тилға елип өтиду.
бүгүнки қурултай җәрйанида адаләт вә тәрәққийат партийәсиниң мәркизий қарар чиқириш вә башқуруш оргини йеңидин тәшкил қилиниду.
адаләт вә тәрәққийат партийәси бу қетимқи қурултайға иштирак қилиши үчүн 11 сийасий партийәгә тәклипнамә йоллиди. қурултайниң шоари «түркийә үчүн ишәнч вә муқимлиқ» дәп бекитилди.
ковид – 19 йуқуми сәвәбидин қурултайға чәт әлләрдин меһманлар чақирилмиди, әмма чәклик санда иҗтимаий күчләр башқурушидики органларниң вәкиллири вә мейиплар билән ғази вә шеһит аилилири тәклип қилинди.
مۇناسىۋەتلىك خەۋەرلەر
ирақ вә сүрийәдә 75 террорчи бир тәрәп қилинди
ирақ вә сүрийәниң шималида террорчиларға әҗәллик зәрбә берилмәктә.
