چاۋۇشئوغلۇ ئامېرىكا تاشقى ئىشلار مىنىستىرى بىلەن كۆرۈشتى

تۈركىيە ئاۋازى رادىيوسى خەۋىرى: مەۋلۈت چاۋۇشئوغلۇ، شىمالىي ئاتلانتىك ئەھدى تەشكىلاتىنىڭ بېلگىيەنىڭ پايتەختى بىريۇسسېلدىكى قارارگاھىدا، ئامېرىكا قوشما ئىشتاتلىرى تاشقى ئىشلار مىنىستىرى ئانتونى بلىنكېن بىلەن كۆرۈشتى.

شىمالىي ئاتلانتىك ئەھدى تەشكىلاتى تاشقى ئىشلار مىنىستىرلىرى يىغىنى ئۈچۈن بېلگىيەنىڭ پايتەختى بىريۇسسېلدا زىيارەتتە بولۇۋاتقان ئىككى مىنىستىر، بلىنكېن ۋەزىپىگە ئولتۇرغاندىن بۇيان تۇنجى قېتىم يۈزتۇرانە كۆرۈشتى.

چاۋۇشئوغلۇ بىلەن بلىنكېن، ئىلگىرى 15 – فېۋرال كۈنى تېلېفوندا كۆرۈشكەن، تېلېفون سۆھبىتىدە، ئىككى تەرەپ مۇناسىۋەتلىرىدىن سىرت يەنە،، رايونلۇق ئۆزگىرىشلەر،  فەتھۇللاھچى تېررورلۇق تەشكىلاتى، بۆلگۈنچى تېررورلۇق تەشكىلاتى پ ك ك/پ ي د قاتارلىق تېررورلۇق تەشكىلاتلىرىغا قارشى كۈرەش، رۇسىيەدىن سېتىۋېلىنغان <400 – س> باشقۇرۇلىدىغان بومبا مۇداپىئە سىستېمىلىرى، سۈرىيە ۋە شەرقىي ئاقدېڭىز  مەسىلىلىرىنى چۆرىدىگەن ھالدا ئۆزئارا پىكىر ئالماشتۇرۇلغانىدى.