balikesirde 48 köchmen qutquzuwélindi

türkiye awazi radiyosi xewiri: ege déngizining aywaliq tewelikide bir yel qolwaqta köchmenlerning barliqi melumatini alghan türkiye sahil bixeterlik qomandanliq ishtabi qisqa waqit ichide rayongha yétip bardi.

midilli ariligha bérish üchün yolgha chiqqan musapirlar girétsiye sahil bixeterlik küchliri teripidin türkiye déngiz tewelikige ittirip tashliwétilgen 48 köchmen, junda arilidiki sahil bixeterlik qomandanliq merkizige élip kélindi.

köchmenlerge yémek-ichmek we kiyim-kéchek bérildi, salametliki tekshürüldi.

izmirning dikili nahiyesidimu girétsiye sahil bixeterlik küchliri teripidin türkiye déngiz tewelikige ittirip tashliwétilgen 22 köchmen qutquzuwélindi.

nahiye déngiz tewelikide bir guruppa kishining yel qolwaqta ikenliki toghrisida melumat tapshuruwélinghandin kéyin, sahil bixeterlik merkizi rayongha qutquzush xadimlirini ewetti.

girétsiye sahil bixeterlik küchliri teripidin türkiye déngiz tewelikige ittirip tashliwétilgenliki éniqlanghan yel qolwaqtiki 22 köchmen qutquzuwélindi.

köchmenlerning munasiwetlik resmiyetliri béjirilgendin kéyin, köch idarisigha ewetilgenliki bildürüldi.

cheshme nahiyesidimu girétsiye sahil bixeterlik küchliri teripiin déngizgha tashliwétilgen we üch kündin buyan tépilmaywatqan bir köchmen, türkiye sahil bixeterlik xadimliri teripidin boghuz arilida tépildi.

somalidin kelgen 16 yashliq muhemmed seyyidning salametlik ehwalining yaxshi ikenliki bildürüldi.

girétsiye sahil bixeterlik küchliri teripidin déngizgha tashliwétilgen muhemmed seyyidning yel kenjesining sayisida hayatta qalghanliqi we su üzüp boghuz ariligha kelgenliki, araldiki pakize sudin ichip we ot-chöp yep jénini saqlap qalghanliqi eskertildi. 19-mart (2021) cheshme déngiz tewelikide bir guruppa köchmenning barliqi melumatini tapshuruwalghan türkiye sahil bixeterlik xadimliri üch kishini qutquzuwalghan, üch kishining jesitini tapqan idi. yoqap ketken bir köchmenni tépish üchün izdesh-qutquzush ishlirini bashlighan idi.