erdoghan noruz bayrimi munasiwiti bilen tebrikname élan qildi
jumhur reis rejep tayyip erdoghan noruz yashnatqan ümit we hayajan bilen téximu güllengen, adil we bixeter kelgüsi berpa qilishni dawamlashturidighanliqini éytti.
türkiye awazi radiyosi xewiri: jumhur reislik uchur – alaqe idarisi teripidin élan qilinghan bayanatta, erdoghanning xelqara noruz bayrimi munasiwiti bilen tebrikname élan qilghanliqi bildürüldi.
erdoghan tebriknamisida, baharning xewerchisi, tinchliq we qérindashliqning simwoli bolghan noruz bayrimini tebrikleydighanliqini bildürüp, «ottura asiyadin anadolu we balqan rayonighiche bolghan keng jughrapiyede minglighan yillardin béri qizghinliq bilen tebriklinip kéliwatqan noruz bayrimining ittipaqliq we hemkarliq tuyghusini pütün dunyagha menggülük yiltiz tartquzishini tileymen. noruz yashnatqan ümit we hayajan bilen téximu güllengen, adil we bixeter kelgüsini ayallar, erler, yashlar we yashanghanlar bilen mürini mürige tirep qedemmu qedem berpa qilishni dawamlashturimiz. noruzning eziz millitimizge we pütkül insaniyetke xatirjemlik, bereket we güllinish élip kélishini téleymiz,. barliq puqralirimizgha chin qelbimdin salam yollaymen» dédi.
