түркийәдә келәр һәптидин башлап 65-60 йаштикиләрни әмләш башлиниду
сәһийә министири фаһрәттин коҗа түнүгүн (2021-йили 17-март) видеолуқ қатнишип башчилиқ қилған вухән вируси (Kovid-19) билим кеңиши йиғинидин кейин йазма байанат елан қилди.
түркийә авази радийоси хәвири: сәһийә министири фаһрәттин коҗа билим кеңиши йиғинидин кейин елан қилған байанатида: «вухән вирусиниң кәң аммиви мәсилә болушидин қелиши үчүн алдимзида йиллар йоқ, бәлки айлар бар. инсанийәт 2020-йилдики чарисизликни йәңди. 2021-йили үмид вә ғәлибә йилидур» деди.
у түркийәниң ваксина тәминләш нуқтисида йүз бериш еһтимали болған мәсилиләрни алдин көрүп, һәркәткә өткәнликини әскәртип: «һазир әмлиниватқан хитайда йасалған синовак ваксинасиға охшимайдиған бийонтек ваксинасиниң синақ қилинидиған 5 миң 800 даниси дөлитимизгә кәлтүрүлди. мушу ай ичидә йәнә 4.5 милйон данә кәлтүрүлиду. бу җәрйанда синақ ишлири ахирлашқан болиду. бу ваксиналар нөвити кәлгәнләргә әмлиниду» деди.
у 65 йаштин йуқириларни әмләш ишлириниң ахирлашқанлиқини билдүрүп: «келәр һәптидин башлап 65-60 йаштикиләрни әмләш башлиниду» деди.
