türkiye ékwator giwinéyesidin hal soridi

türkiye, ékwator giwéniyesidiki bir herbiy bazining oq - dora iskilatida partlash yüz bérip nurghun kishining qaza qilghanliqi munasiwiti bilen ékwator giwéniyesi xelqi we hökümitidin hal soridi.

1596964
türkiye ékwator giwinéyesidin hal soridi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, ékwator giwéniyesining bata shehiridiki bir herbiy bazining oq dora iskilatida tünügün yüz bergen partlashta nurghun kishining hayatidin ayrilghanliqi we nechche yüz kishining yarilanghanliqidin chongqur qayghurush ichide xewer tépilghanliqini uqturdi.

bayanatta: «biz bu échinishliq weqe munasiwiti bilen dost ékwator gwiniyesi xelqi we hökümitidin hal soraymiz, hayatidin ayrilghanlarning aile - tawabiatliri we tughqanlirigha teziye bildürimiz, yaridarlarning salametlikining tézrek eslige kélishini tileymiz» dégen ibarilerge orun bérildi.

ékwator giwinéyesi sehiye ministiri guinéa salud, weqede 17 kishining qaza qilghanliqini, 420 kishining yarilanghanliqini, herbiy bazigha yéqin nurghun öylerning partlash sewebidin weyran bolghanliqi we nurghun kishining xarabilik astida qalghanliqini uqturghanidi.



مۇناسىۋەتلىك خەۋەرلەر