jenubiy koriye metbuatliri türkiye puqrasi rabiye shirinning qehrimanliqini xewer qildi
jenubiy koriyening paytexti séulda yash bir qizni basqunchiliqtin qutuldurupla qalmastin, belki yene, basqunchiliq qilghuchinimu tutup saqchigha tapshurghan türkiye puqrasi rabiye shirin dölet miqyasidiki pütün metbuatlarning diqqitini qozghidi.
türkiye awazi radiyosi xewiri: jenubiy koriye metbuatlirining xewer qilishiche, séulning songpa rayonidiki bir soda merkizide 17 – féwral kechte yüz bergen weqede, basqunchi 20 yashlardiki bir qizni hajetxanighiche egiship kélip basqunchiliq qilmaqchi bolghan.
neq meydangha intayin yéqin bir réstoranda ishlewatqan türkiye puqrasi 25 yashliq rabiye shirin we uning xojayini qizning waqirighan awazini anglap derhal yardemge yügürgen.
rabiye shirin jinayetchi bilen tirkishishtin kéyin qizni uningdin qutuldurupla qalmay, mest basqunchining qéchip kétishiningmu aldini alghan we uni tutup saqchigha tapshurghan.
kimliki ashkarilanmighan 30 yashliq basqunchi nazaretke élinghan. weqe jenubiy koréye taratqulirida keng orun alghan.
jenubiy koréyeliklermu ijtimaiy alaqe supilirida weqege alaqidar sinlarni bes beste hembehirligen we rabiye shirinning jenubiy koriyede bir chet ellik ikenlikige qarimastin, körsetken qehrimanliqini tebrikligen.
weqedin kéyin türkiyening séulda turushluq bash elchisi ersin erchin, rabiye shirinni elchixanigha teklip qilip, ülgilik herikitini alahide medhiyeligen.
