türkiyening qudretlik déngiz armiyesige ige bolushi mejburiyetke aylandi

jumhur reis rejep tayyip erdoghan türkiyege nisbeten qudretlik déngiz armiyesige ige bolushning tallashtinmu bekrek mejburiyetke aylanghanliqini éytti.

1596289
türkiyening qudretlik déngiz armiyesige ige bolushi mejburiyetke aylandi

türkiye awazi radiyosi xewiri: jumhur reis erdoghan, istanbuldiki «wahdettin sariyi» din «mawi weten – 2021» herbiy manéwirigha neq meydandin ulinip ishtirak qildi, hemde bu yerde qilghan sözide, mundaq dédi: «biz bu yil téximu küchlük, téximu keng dairilik we yenimu teshkillik halda ötküzüwatqan herbiy manéwirlar arqiliq yerlik we milliy qoral – yaragh sistémimizni sinaq qiliwatimiz.»

erdoghan, türkiyening peqet iqtisadiy we siyasiy sahelerdila emes, herbiy we dölet mudapiesi saheliridimu küchlük bolush mejburiyiti barliqini eskertish bilen bir waqitta, türkiyege nisbeten qudretlik déngiz armiyesige ige bolushning tallashtinmu bekrek mejburiyetke aylanghanliqini tekitlep mundaq dédi: «héchbir döletning zéminida, déngizida, igilik hoquqida közimiz yoqtur, biz peqet wetinimizni, heq – hoquqlirimizni jan tikip qoghdashqa tirishiwatimiz.»

jumhur reis rejep tayyip erdoghan, sözide yene, türkiyening uchquchisiz hawa apparatliri jehettin dunya boyiche eng ilghar 3 – 4 dölettin biri ikenlikini qeyt qilghan halda mundaq dédi: «hazirghiche biz kémisazliq zawutimizlirimizda ishlepchiqirilghan 3 milyard dollardin artuq xirajet bilen 130 din köp déngiz supisini éksport qilduq. sahil bixeterlikimizni qoghdash etretlirimiz bilen su tewelikimizde, herbiy paraxotlirimiz bilen dunyaning herqaysi jaylirida pütkül insaniyetning tinchliq we huzuri üchün mewjudiyitimizni dawamlashturuwatimiz.  türkiyeni her sahedikige oxshashla déngizchiliq sahesidimu derijidin tashqiri döletler qataridin orun alghuzush iradimiz qetiydur. bu ishench bilen déngiz armiyemizning qudritini yenimu ashurushqa nahayiti zor ehmiyet bériwatimiz, biz özining urush paraxotini özi layiheliyeleydighan, yasiyalaydighan we qoghdiyalaydighan 10 dölet qataridin orun almaqtimiz.»



مۇناسىۋەتلىك خەۋەرلەر