chawushoghlu türkmenistanda

türkiye awazi radiyosi xewiri: chawushoghlu, 5 – 10 – mart  ottura asiya ziyaritin xongkong tunji békiti türkmenistanda, ministirlar kéngishining muawin bashliqi we diplomatiye ministiri rashid mérédow bilen körüshti, hemde uchrishishtin kéyin élan qilghan bayanatida, türkiye bilen türkmenistanning özara qérindash ikki dölet ikenlikini tekitlep mundaq dédi: «munasiwetlirimizning hazirqi tereqqiyatidin xursenmiz, emma yenimu yüksek sewiyege yetküzüsh üchün, dölet bashliqlirimizning rehberlikide téximu köp tirishchanliq körsitish hem xizmet ishlishimizge toghra kélidu, bu yil munasiwetlirimizni téximu tereqqiy qildurush üchün muhim pursetler bar. shuni alahide tekitlep ötimenki, türkmenistan prézidénti qurbangguli berdimuhemedowning, jumhur reis rejep tayyip erdoghan bilen élip barghan téléfon söhbitide, berdimuhemedow erdoghanni türkmenistanda ziyarette bolushqa teklip qildi.»

ministir chawushoghlu, türkmenistanning islam hemkarliq teshkilati tashqi ishlar ministirliri kéngishining nöwetchi reislik wezipisini ötküzüwalghanliqini we bu yilning axirliri bashliqlar yighini nöwetchi reislik wezipisinimu türkiyedin ötküzüwalidighanliqini eskertip mundaq dédi: «28 – noyabir küni türkmenistanda islam hemkarliq teshkilati bashliqlar yighini chaqirimiz.»

bu yil türk kéngishi bashliqlar yighini chaqirip, nöwetchi reislik wezipisini ezerbeyjandin tapshuruwélishni pilanlawatqanliqlirini éytqan chawushoghlu, jumhur reis rejep tayyip erdoghanning pirézidént berdimuhemedowni bu yighingha teklip qilghanliqini tekitlep mundaq dédi: «munasiwetlirimiz mukemmel, biz ikki qildurush döletmiz, emma siyasiy munasiwetlirimizning mukemmel bolushi yéterlik emes, énérgiye, iqtisadiy munasiwetler, qatnash we arqa sep teminati qatarliq bashqa muhim mesililerde ikki dölet otturisida we rayon döletliri otturisida hemkarliq pursetliri bardur, bu pursetlerdin behrimen bolush üchün téximu köp tirishchanliq körsitimiz.»