чавушоғлу түркмәнистанда

түркийә авази радийоси хәвири: чавушоғлу, 5 – 10 – март  оттура асийа зийаритин хоңкоң тунҗи бекити түркмәнистанда, министирлар кеңишиниң муавин башлиқи вә дипломатийә министири рашид мередов билән көрүшти, һәмдә учришиштин кейин елан қилған байанатида, түркийә билән түркмәнистанниң өзара қериндаш икки дөләт икәнликини тәкитләп мундақ деди: «мунасивәтлиримизниң һазирқи тәрәққийатидин хурсәнмиз, әмма йәниму йүксәк сәвийәгә йәткүзүш үчүн, дөләт башлиқлиримизниң рәһбәрликидә техиму көп тиришчанлиқ көрситиш һәм хизмәт ишлишимизгә тоғра келиду, бу йил мунасивәтлиримизни техиму тәрәққий қилдуруш үчүн муһим пурсәтләр бар. шуни алаһидә тәкитләп өтимәнки, түркмәнистан президенти қурбаңгули бәрдимуһәмәдовниң, җумһур рәис рәҗәп таййип әрдоған билән елип барған телефон сөһбитидә, бәрдимуһәмәдов әрдоғанни түркмәнистанда зийарәттә болушқа тәклип қилди.»

министир чавушоғлу, түркмәнистанниң ислам һәмкарлиқ тәшкилати ташқи ишлар министирлири кеңишиниң нөвәтчи рәислик вәзиписини өткүзүвалғанлиқини вә бу йилниң ахирлири башлиқлар йиғини нөвәтчи рәислик вәзиписиниму түркийәдин өткүзүвалидиғанлиқини әскәртип мундақ деди: «28 – нойабир күни түркмәнистанда ислам һәмкарлиқ тәшкилати башлиқлар йиғини чақиримиз.»

бу йил түрк кеңиши башлиқлар йиғини чақирип, нөвәтчи рәислик вәзиписини әзәрбәйҗандин тапшурувелишни пиланлаватқанлиқлирини ейтқан чавушоғлу, җумһур рәис рәҗәп таййип әрдоғанниң пирезидент бәрдимуһәмәдовни бу йиғинға тәклип қилғанлиқини тәкитләп мундақ деди: «мунасивәтлиримиз мукәммәл, биз икки қилдуруш дөләтмиз, әмма сийасий мунасивәтлиримизниң мукәммәл болуши йетәрлик әмәс, енергийә, иқтисадий мунасивәтләр, қатнаш вә арқа сәп тәминати қатарлиқ башқа муһим мәсилиләрдә икки дөләт оттурисида вә район дөләтлири оттурисида һәмкарлиқ пурсәтлири бардур, бу пурсәтләрдин бәһримән болуш үчүн техиму көп тиришчанлиқ көрситимиз.»