dunyadiki döletler türkiyege teziye bildürdi

türkiye awazi radiyosi xewiri: ezebeyjan pirézidénti ilham eliyéw bitlista herbiy tik ucharning chüshüp kétishi netijiside shéhit bolghan eskerler üchün türkiyege sewr tilidi.

u türkiye jumhur reisi rejep tayyip erdoghangha xitab qilip élan qilghan uchurida: «herbiy tik ucharning qazagha uchrash netijiside türkiye eskerlirining shéhit bolghanliqi xewiri méni chongqur qayghulandurdi. sizge, shéhitlerning aililirige, yéqin-yoruqlirigha we türkiye xelqige, özem we ezerbeyjan xelqi namidin teziye bildürimen, yarilanghanlargha shipaliq tileymen, allah rehmet qilsun» dédi.

ezerbeyjan tashqi ishlar ministiri jeyxun bayramowmu twittérda türkiye xelqige teziye bildürdi.

shimaliy qibris türk jumhuriyiti jumhur reisi ersin tatar shéhit bolghan eskerler üchün jumhur reis rejep tayyip erdoghan we dölet mudapie ministiri hulusi akargha téléfon qilip teziyesini bildürdi.

shimaliy qibris türk jumhuriyiti bash ministiri ersan sanermu muawin jumhur reis fuat oktay we dölet mudapie ministiri hulusi akargha, özining weqedin chongqur qayghurghanliqini yetküzdi.

nato bash katipi stoltinbérg türkiye tashqi ishlar ministiri mewlüt chawushoghlugha téléfon qilip teziyesini bildürdi we natoning türkiye bilen hemkarliq ichide ikenlikini eskertti.

giruziye pirézidénti zurabishwili jumhur reis rejep tayyip erdoghan we türkiye xelqige, bitlisning tatwan nahiyeside yüz bergen tik uchar qazasida shéhit bolghan eskerler üchün teziye bildürdi.

engliye tashqi ishlar weziri dominik raab we engliyening enqerede turushluq bash elchisi dominik chilkot (DominickChilcott) shéhit bolghan eskeler üchün qayghuruwatqanliqini yetküzdi.

somali edliye ministiri abdulqadir muhemmednur bitlisning tatwan nahiyeside yüz bergen tik uchar qazasida shéhit bolghan eskerler üchün sewr tilidi.

albaniyening yawropa ishliri we tashqi ishlar ministiri olta xachka (Olta Xhaçka) shéhit bolghan eskerler üchün tashqi ishlar ministiri mewlüt chawushoghlugha teziyesini bildürdi.

wénézuéla tashqi ishlar ministiri xorxé ariyaza (Jorge Arreaza) twittérda türkiye bayriqi bilen hembehirligen uchurida, türkiye xelqi we hökümiti bilen hemkarliq ichiide ikenliklirini bildürdi.

türk kéngishi bash katipi baghdad amreyéw tik uchar weqeside eskerlerning shéhit bolghanliqidin chongqur qayghurghanliqini bildürüp: «türk kéngishi we shexsim namidin shéhit bolghan eskerlerge allahtin rehmet, aililirige we qérindash türkiye xelqige sewr, yarilanghanlargha shipaliq tileymen» dédi.

iraq kürt (kord) rayonluq hökümetning étnik we diniy teshkillinish ishlirigha mesul ministiri we iraq türkmen firontining ijraiye kéngishi ezasi aydin maruf, bingöldin bitlisqa bérish üchün kökke kötürülgen herbiy tik ucharning qazagha uchrishi netijiside, shéhit bolghan eskerler üchün sewr tileklirini élan qildi.

paytext enqerediki her qaysi döletlerning elchixaniliri tor betliride bayanat élan qilip, türkiye xelqining hesritini ortaqlishidighanliqlirini bildürdi.