erdoghan osmanli shahzadisi abdulkerim dondar osmanoghlu üchün ailisige teziye bildürdi
sultan ikkinchi abdulhemid xanning 4-ewlad newrisi, shahzade abdulkerim dondar osmanoghlu, süriyening paytexti demeshiqte wapat boldi.
1592104
türkiye awazi radiyosi xewiri: jumhur reis rejep tayyip erdoghan shahzade abdulkerim dondar osmanoghlu üchün uning akisi osmanli xandani reisi harun osmanoghlugha téléfon qilip, teziye téleklirini bildürdi.
harun osmanoghlumu jumhur reis erdoghangha rehmet éytti we erdoghangha daim dua qilip kéliwatqanliqini éytti.
söhbette türkiye radiyo-téléwiziye idarisi t r t 1 qanilida tarqitiliwatqan «paytext abdulhemid» namliq köp qisimliq téléwiziye tiyatiri heqqidimu toxtalghan harun osmanoghlu, bu yürüshlük filimni körgenlikini éytti.
jumhur reis erdoghan yene, harun osmanoghluning ayali farizet osmanoghlu we qizi nurxan osmanoghlu bilenmu körüshti.
ularmu 26-féwral küni 67 yashqa kirgen jumhur reis erdoghanning tughulghan künini tebriklidi.
