әрдоған билән шәнтоп әрбақан вапатиниң 10 – йиллиқи мунасивити билән байанат елан қилди

җумһур рәис рәҗәп таййип әрдоған билән түркийә бүйүк милләт мәҗлиси башлиқи мустафа шәнтоп сабиқ баш министирлардин мәрһум нәҗмәттин әрбақан вапатиниң 10 – йиллиқи мунасивити билән байанат елан қилди.

1591824
әрдоған билән шәнтоп әрбақан вапатиниң 10 – йиллиқи мунасивити билән байанат елан қилди

түркийә авази радийоси хәвири: җумһур рәис әрдоған, аммиви ортақлишиш тор бети Instagram сәһиписидә, бу һәқтә елан қилған байанатида, мундақ деди: «күрәш билән өткән һайатини өгиниш, оқутуш, хизмәт қилишқа, бу дөләтниң упқини кеңәйтишкә беғишлиған улуғ алим, дөләт әрбаби вә сийасийон пирофессор доктор нәҗмәттин әрбақан устазимизни, ахирәткә сәпәр қилғанлиқиниң 10 – йиллиқи мунасивити билән чәксиз миннәтнарлиқ вә һөрмәт туйғуси ичидә йад етимән.»

җумһур рәис әрдоған, байанатида, әрбақанниң фото сүритигә орун бәрди.

түркийә бүйүк милләт мәҗлиси башлиқи мустафа шәнтопму, ахирәткә сәпәр қилғанлиқиниң 10 – йиллиқи мунасивити билән қәбрисиниң бешида дуа қилған әрбақанниң һәм академик сүпитидә, һәмдә аммиви тәшкилатлар вә сийасәттики вәзипилири билән түркийәгә наһайити чоң хизмәтләрни ишлигән, төһпиләрни қошқан катта дөләт әрбаби икәнликини тәкитләп мундақ деди: «униң ишлигән хизмәтлири пәқәт өзи биләнла чәклинип қалмастин, йәнә у йетиштүргән инсанлар, түркийәгә сунған упуқлар, лайиһәләрниму өз ичигә алиду, исмидинму мәлум болғинидәк, у нәҗмуддиндур, йәни динниң чолпинидур.»



مۇناسىۋەتلىك خەۋەرلەر