erdoghan: biz siyasiy özgirishlerning barliq türlirige qarshi

türkiye awazi radiyosi xewiri: jumhur reis rejep tayyip erdoghan (erméniyediki herbiy – siyasiy özgirish qozghashqa urunush herikiti toghrisida toxtilip): «biz siyasiy özgirishlerning barliq türlirige qarshi turimiz. siyasiy özgirishlerni qobul qilishimiz qetiy mumkin emes» dédi.

jumhur reis rejep tayyip erdoghan istanbulda muxbirlarning erméniyediki herbiy – siyasiy özgirish qozghashqa urunush herikiti toghrisidiki soaligha jawab bérip: «eskerlerning ishlargha arilishish arqiliq goya siyasiy özgirish qozghashqa urunghan bolushi qobul qilinidighan bir ish emes» dédi.

erméniye bash ministiri nikol pashinyanning xelq teripidin alliqachan aghdurup tashlinidighan basquchqa kélip qalghanliqini tekitligen erdoghan: «emma ish siyasiy özgirishke kelgende, bizning uninggha tutidighan pozitsiyemiz perqliqtur» dégenlerni qeyt qildi.

u yene: «eger hakimiyet özgirishi bolidighan ish bolsa, uni erméniye xelqi ishqa ashuridu. uni erméniye xelqining iradisige tapshurup lazim» dégenlerni sözlirige ilawe qildi.