türkiye gollandiyening qararigha naraziliq bildürdi

türkiye tashqi ishlar ministirliqi bayanatchisi hami aqsoy, gollandiye awam palatasida tünügün qobul qilinghan qarargha munasiwetlik soalgha bergen yazma jawabida, mundaq dédi: «25 – féwral küni gollandiye awam palatasida qobul qilinghan we hökümetni 1915 – yilqi weqelerni <irqiy qirghinchiliq> süpitide étirap qilishqa chaqirghan qarari, siyasiy muddialar bilen tarixni qayta yézishqa urunush teshebbusi bolup, héchqandaq ehmiyiti yoqtur. derweqe, mejlisler tarix yézish we höküm chiqirish orunliri emestur, bu qararni qollighanlar, 1915 – yili heqiqette qandaq ishlarning yüz bergenliki toghruluq izdinishning ornigha, awamchiliqni qalqan qilip, xelqning qollishini qolgha kltürüshning kuyida boluwatidu.»

mezkur qarargha imza qoyghuchilarni, birleshken döletler teshkilatining 1948 – yilqi «irqiy qirghinchiliqning aldini élish we jazalash ehdinamisi» bilen yawropa kishilik hoquq sotining qararini tekshürüshke chaqirghan aqsoy, mundaq dédi: «tarixiy bir mesilini téximu yaxshi chüshinish tirishchanliqlirini qollashqa chaqirimiz, erméniye jawab bermigen birleshme tarix komitéti qurup chiqish teklipimiz del mushu tirishchanliqlarning biridur.»

aqsoy, gollandiye hökümitining qanunning üstünlükige hörmet qilidighan pozitsiyede bolushining zörürlükini tekitlep mundaq dédi: «gollandiye awam palatasining yéqinqi mezgillerde daim dégüdek qilghinidek, rééalliqtin yiraq, türkiyege qarshi qararlarni chiqirishning ornigha, wezipe ötüsh obyéktini, barghanséri jiddiylishiwatqan we gollandiyediki türk jemiyetliri kündilik duch kéliwatqan irqchiliq, islam hem chet el düshmenlikige, hökümetning wezipisidin istépa bérishigiche bérip taqilidighan ayrimchiliq qilmishlirigha qarita küresh qilishqa merkezlshtürse téximu yaxshi bolidu.»