chawushoghlu kirodiyede tebiiy apetlerge teyyar turush kéreklikini tekitlidi

türkiye awazi radiyosi xewiri: tashqi ishlar ministiri mewlüt chawushoghlu resmiy ziyarette boluwatqan kirodiyede, ötken yili (2020) dékabir éyida yüz bergen 6.3 bal yer tewreshte ziyangha uchrighan pétrinja (Petrinja) shehiride muawin bash ministir tomo médwéd (Tomo Medved) we kirodiye tashqi ishlar we yawropa ishliri ministiri gordon grlij radman (Gordon Grlic Radman ) bilen ortaq axbarat élan qilish yighini ötküzdi.

mewlüt chawushoghlu ikki kün burun sisak-moslawina we pétrinjada yüz bergen 4.1 bal yer tewresh munasiwiti bilen, kirodiye xelqige sewr tilidi.

u: «kirodiye ministirliri bu yer tewreshte körülgen ziyanlarning ornini toldurush we weyran bolghan jaylarning qayta qurulushi üchün toxtimay pilanliq halda xizmet qiliwatidu. bu tirishchanliqlarni türkiyede turup körgili bolidu, biz ularni teqdirleymiz» dédi.

u yer tewresh, tebiiy apet we wabalarning, hayatning bir parchisi bolghanliqini alahide eskertip: «yer tewresh qatarliq apetlerge teyyar turush kérek. qeyerde apet yüz bérishidin qetiynezer, özara hemkarlishish kérek. u dölet xelqinimu qollash kérek. biz türkiyede yüz bergen yer tewreshlerdin kéyin, özara hemkarlishishni kirodiyedin we kirodiye xelqidin körduq. izmirde yer tewrigendin kéyin, manga birinchi bolup téléfon qilghan dostlirimzining biri dostum gordon boldi. bu sewebtin, bizmu bu yerde yüz bergen yer tewreshtin kéyin kirodiyege yétip kelgen tunji dölet rehbiri bolushni ümid qilduq» dédi.

u tebiiy apet we jiddiy ishlargha taqabil turush idarisining derhal rayongha yétip kelgenlikini, türkiye hemkarliq we kordinatsiye agéntliqiningmu apet jaylirida ikenlikini bildürüp: «kirodiyede paaliyet qiliwatqan shirketlirimizmu türk xelqining sezgürlükini bu yerde namayan qildi. barliq idare-organ we shirketlirimizge teshekkür éytimen» dédi.

u türkiyening tebiiy apetlerge qarshi turushta toplighan tejribilirini kirodiye bilen ortaqlishishni xalaydighanliqini tekitlep: «buningdin kéyinmu tebiiy apetlerge qarshi turush üchün türkiyede toplighan tejribilirimizni dost kirodiye bilen ortaqlishishni xalaymiz. apet yüz bergen rayonlarning qayta qurulushi üchün qolimizdin kelgen yardemlerni qilishni xalaymiz» dédi.

u ötken yili (2020) albaniyede yer tewrigenlikini xatirilitip, türkiyening albaniyege izchil halda qolidin kélishiche yardem qiliwatqanliqlirini eskertti.

u kirodiye tashqi ishlar ministiri radman bilen ikki terep munasiwetliri we özara hemkarliq mesililirini muzakire qilghanliqlirini bildürdi.

u: «hörmetlik pirézidént, bash ministir we parlamént bashliqliri bilenmu bu mesililerni muzakire qilish pursitimiz bolidu. yer tewresh we apetler toghrisida özara hemkarliqlirimizni qandaq küchlendüridighanliqimizni muzakire qilimiz» dédi.