türkiye erméniyediki özgirishlerni eyiblidi

türkiye awazi radiyosi xewiri: türkiye, dunyaning qeyiride bolushidin qetiynezer, siyasiy özgirish we siyasiy özgirish qozghashqa urunushlargha qarshi ikenlikini, erméniyediki özgirishlernimu qattiq eyibleydighanliqini élan qildi.

dölitimiz (türkiye jumhuriyiti) tashqi ishlar ministiri mewlüt chawushoghlu üchün wéngiriyening paytexti budapéshtta dölet ishliri ziyaritide bolmaqta.

ministir chawushoghlu wéngiriye tashqi ishlar, qoshumche tashqi soda ministiri pétér sijjarto bilen körüshti we uchrishishtin kéyin ikki ministir qoshma muxbirlarni kütüwélish yighini ötküzdi.

türkiye we yawropaning küntertipidiki nurghun mesililer üstide sözleshkenliklirini bildürgen chawushoghlu, ikki terep munasiwetlirini tereqqiy qiliduridighanliqlirini éytti.

u erméniyede yüz bergen özgirishler toghrisida toxtilip: «biz dunyaning qeyiride bolushidin qetiynezer, siyasiy özgirish we siyasiy özgirish qozghashqa urunushlargha qarshimiz, erméniyediki özgirishlernimu qattiq eyibleymiz. saylam arqiliq hakimiyet béshigha kelgen bir hökümetni istépa bérishke chaqirishni qobul qilghili bolmaydu. rayon döletliri bilen bu heqte néme ishlarni qilalaydighanliqimizni meslihetlishiwatimiz. siyasiy özgirish qozghashqa urunush qilmishliri döletning muqimliqigha ziyan yetküzidighan qedemler hésablinidu. türkiyening bu pozitsiyesi pirinsipal pozitsiye bolup,  biz siyasiy özgirishke qarshimiz» dégenlerni qeyt qildi.

erméniye armiyesi bash ishtabi bashliqi onik gaspariyan we yuqiri derijilik qomandanlar bayanat élan qilip, bash ministir nikol pashinyanni istépa bérishke chaqirghan؛ pashinyan bolsa, dölette siyasiy özgirish qozghashqa urunush qilmishining sadir bolghanliqini otturigha qoyup, bash ishtab bashliqi gasparyanni wezipidin élip tashlighanliqini élan qilghanidi.