erdoghan: térrorluqqa qarshi turush heriketlirimiz hem qanuniy heqqimiz hem insaniy burchimizdur

jumhur reis rejep tayyip erdoghan türkiyening térrorluqqa qarshi turush heriketlirining hem qanuniy heqqi hem insaniy burchi ikenlikini éytti.

1589873
erdoghan: térrorluqqa qarshi turush heriketlirimiz hem qanuniy heqqimiz hem insaniy burchimizdur

türkiye awazi radiyosi xewiri: jumhur reis, qoshumche adalet we tereqqiyat partiyesi reisi rejep tayyip erdoghan partiyesining türkiye büyük millet mejlisi (parlaménti)diki guruppa yighinida söz qildi.

erdoghan türkiyening térrorluqqa qarshi turush iradisining bezi döletlerni biaram qilghanliqini bildürüp: «yene bir qétim tekrarlaymen, bu heriketler bizning hem qanuniy heqqimiz hem insaniy burchimizdur. zörür tépilghanda yiltizighiche chöküp tazilash bizning mejburiyitimiz» dédi.

erdoghan yene: «ular néme qilsa qilsun, xelqimizning ittipaqliqini buzalmaydu, bizning erkinlik we kelgüsige bolghan muhebbitimizni öchürelmeydu. biz jénimizdinmu eziz köridighan wetinimizni bölelmeydu. dölitimizni tizlanduralmaydu» dégenlerni qeyt qildi.

dunyadiki barliq tengpungluqlarni özgertiwetken kowid – 19 yuqumini yéqindin közitiwatqanliqlirini bildürgen erdoghan: dölitimizde özini körsetken yuqum ikki milyondin artuq puqrayimizning yuqumlinishini keltürüp chiqardi. yolgha qoyghan tedbirler arqiliq buningdin eng az ziyan bilen qutulush yolida zor muweppeqiyet qazinip, 2020 – yilini iqtisadiy éshish  bilen axirlashturghan bir qanche döletning biri bolduq» dédi.

u yene: «nöwette gherb türkiyening saghlamliq sistémisini ülge qilmaqta» dégenlerni sözlirige ilawe qildi.


خەتكۈچ: #térror , #erdoghan , #türkiye

مۇناسىۋەتلىك خەۋەرلەر