türkiye kökertish saheside zor utuqlarni qolgha keltürdi
türkiyening orman bayliqini tereqqiy qildurush we kökertish sahesidiki utuqliri birleshken döletler teshkilati (b d t) teripidinmu jezmleshtürüldi.
1589749
türkiye awazi radiyosi xewiri: b d t ashliq we yéza igilik teshkilatining 2015 – yilidin 2020 – yilighiche bolghan jeryanni öz ichige alghan «yer shari orman bayliqini bahalash» doklatigha qarighanda asaslanghanda, türkiye köchet tikish arqiliq orman bayliqini künséri yuqiri pellige kötürgen döletler tizimlikide 19 baldaq örlep, 46 – rettin 27 retke tizilghan.
türkiye eng köp köchet tikken döletler katégoriyeside yawropa boyiche birinchi, donya boyiche altinchi rettin orun alghan.
doklatta, 1973- yilidiki orman zapisini tekshürüsh netijisining, türkiyening 20 milyon 199 ming 296 géktar ormanliqi barliqini körsitip bergenliki, bu kölemning 2018- yili 22 milyon 621 ming 935 géktargha, bultur 22 milyon 740 ming géktargha yetkenliki qeyt qilinghan.
türkiye ormanchiliq idarisi bash dériktori bekir karajabeyning, türkiyening orman bayliqini asrash we tereqqiy qildurush jehettiki utuqlirining b d t ashliq we yéza igilik teshkilatining köchet tikishke munasiwetlik doklatida orun alghan bolushining kishini tolimu xushal qilidighanliqini — söyündüridighanliqini eskertip: «bularning hemmisi élimizning ormanliq kölimidiki éshishning xelqaraning testiqidin ötkenlikini körsitidu. yéqinqi 18 yilda orman bayliqimizni 2 milyon 100 ming géktar ashurduq. 2023- yilidiki nishanimiz bolsa, bu kölemni 23 milyon 400 ming géktargha, yeni dölet yer kölimining %30 tige yetküzüshtin ibaret» dégen sözlirige orun bérildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
