erdoghan térrorluqqa qarshi qetiy küresh qilidighanliqlirini bildürdi
jumhur reis rejep tayyip erdoghan türkiyening térrorluqqa qarshi kürishi toghrisida toxtilip: «qeyerde we qaysi uwida térrorist bolsa, bizmu u uwida bolimiz» dédi.
türkiye awazi radiyosi xewiri: türkiye jumhur reisi, adalet we tereqqiyat partiyesining bashliqi rejep tayyip erdoghan partiyening izmir 7-nöwetlik wilayetlik qurultiyigha qatnashti we muhim söz qildi.
u: «armiyesi bilen bu eziz wetenni ishghal qilishqa közi yetmigenler, yéngi wastilerni ishqa saldi. térrorluq bu wastilerning eng qanliqi we eng zalimidur. hakkari térrorluqning derdini eng köp tartqan wilayetlirimizning biri. izmirde térrorluq hujumi sewebidin sherqiy we sherqiy jenubi anadolu rayonliridin köchüshke mejbur bolghan nurghun puqralirimiz yashaydu. p k k térrorluq teshkilatining exlaqsiz we wijdansiz yüzini, ular eng yaxshi bilidu» dédi.
u sözini mundaq axirlashturdi:
«biz judide bar, biz gabarda bar, biz tendürekte bar, biz besler dereside bar. qeyerde we qaysi uwida térrorist bolsa, biz u uwida bar bolimiz. u yerlerni ularning mazarliqi qilduq. onminglarche dep tilgha élinidighan térroristlar, emdi yüzlerche dep tilgha élinmaqta.»