türkiye-ezerbeyjan-türkmenistan tashqi ishlar ministirliri yighini ötküzülidu

türkiye awazi radiyosi xewiri: türkiye tashqi ishlar ministirliqi türkiye-ezerbeyjan-türkmenistan üch dölet tashqi ishlar ministirliri yighini ötküzülidighanliqi toghrisida bayanat élan qildi.

bayanatta, türkmenistan ministirlar kéngishining muawin bashliqi we tashqi ishlar ministiri rashid meredowning ete (2021-yili 23-féwral) türkiyege kélidighanliqi qeyt qilindi.

uchrishishlarda, türkmenistan bilen türkiye otturisidiki ikki terep munasiwetliri we rayonluq mesililer toghrisida öz ara pikir almashturushning pilan qilinghanliqi, meredowning jumhur reis rejep tayyip erdoghan teripidin qobul qilinishining mumkinliki qeyt qilindi.

bayanatta, ezerbeyjan tashqi ishlar ministiri jeyxun bayramowning ishtirak qilishi bilen, türkiye-ezerbeyjan-türkmenistan üch terep tashqi ishlar ministirlirining 5-qétimliq yighinining ötküzülidighanliqi؛ türkiye tashqi ishlar ministiri mewlüt chawushoghluning ezerbeyjan tashqi ishlar ministiri jeyxun bayramow bilenmu ayrim körüshidighanliqi qeyt qilindi.

uchrishishlarda, döletler ara munasiwetler we rayonluq mesililerge munasiwetlik özgirishler bilen, öz ara hemkarliqlarni téximu kücheytish üchün bésilidighan qedemlerning, ikki terep we üch terep sheklide muzakire qilinidighanliqi eskertildi.