җеймис җефрей американиң гара қәтлиами тоғрисидики байанатиниң «әхмәқларчә» болғанлиқини ейтти

американиң сабиқ сүрийә алаһидә вәкили җеймис җефрей америка ташқи ишлар министирлиқиниң гара қәтлиами тоғрисидики байанатиниң «әхмәқларчә» болғанлиқини ейтти.

1587654
җеймис җефрей американиң гара қәтлиами тоғрисидики байанатиниң «әхмәқларчә» болғанлиқини ейтти

түркийә авази радийоси хәвири: п к к терорлуқ тәшкилатиниң гарадики бир өңкүрдә 13 түркийә пуқрасини өлтүргәнликигә бир һәптә болғандин кейин, вашингтон байанат елан қилип: «әгәр түркийә пуқралириниң терорлуқ тәшкилати п к к тәрипидин өлтүрүлгәнлики испатланса, биз уларни әң күчлүк шәкилдә әйибләймиз» дегән иди.

американиң сабиқ сүрийә алаһидә вәкили җеймис җефрей бу байанатқа қарита: «мән америка ташқи ишлар министирлиқиниң әхмәқларчә бу тунҗи байанатини чүшәндүрүшниң асан йолини тапалмидим» деди вә бу байанатни оқуғанда һәйран қалғанлиқини тилға елип, «бу әһвал йеңи гуруппиниң тәҗрибисизликини көрситип бериду, бу йеңи вәзипигә тәйинләнгәнләрдә тола көрүлидиған адәт. бу йахши ойлишилмиған бир байанат болди, бу сәвәбтин мән кәчүрүм сораймән» деди.

җамес җефрей йәнә ташқи ишлар министири мәвлут чавушоғлуниң америкалиқ мәнсәпдиши антоний биллинкен билән өткүзгән сөһбитигә һәмминиң диққитни тартип,  америка ташқи ишлар министирлиқиниң қисқа вақит ичидә хаталиқини түзәткәнликини әскәртти вә буниң йахши бир илгириләш болғанлиқини тәкитлиди.



مۇناسىۋەتلىك خەۋەرلەر