چاۋۇشئوغلۇ لاۋروۋ بىلەن تېلېفونلاشتى

تۈركىيە ئاۋازى رادىيوسى خەۋىرى: دىپلوماتىك مەنبەلەر، چاۋۇشوغلۇ بىلەن لاۋروۋنىڭ، جۇمھۇر رەئىس رەجەپ تاييىپ ئەردوغان بىلەن رۇسىيە پىرېزىدېنتى ۋىلادىمىر پۇتىننىڭ تېلېفون سۆھبىتىدە تىلغا ئېلىنغان مەسىلىلەرنىڭ ئەمەلىيلەشتۈرۈلۈشى توغرىسىدا سۆزلەشكەنلىكىنى بىلدۈردى.

جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى، جۇمھۇر رەئىس ئەردوغان بىلەن رۇسىيە پىرېزىدېنتى ۋىلادىمىر پۇتىننىڭ تېلېفوندا كۆرۈشۈپ، تۈركىيە - رۇسىيە مۇناسىۋەتلىرىنى ئىلگىرى سۈرىدىغان قەدەملەر ھەققىدە سۆزلەشكەنلىكىنى، ھەمدە رايونغا ئالاقىدار مەسىلىلەر توغرىسىدا پىكىر ئالماشتۇرغانلىقىنى ئۇقتۇرغانىدى.

جۇمھۇر رەئىس ئەردوغاننىڭ تاغلىق قاراباغدىكى ئۇرۇش توختىتىشنى ئىزچىللىققا ئىگە قىلىش ئۈچۈن بارلىق مەسىلىلەردە ئورتاق كۈچ چىقىرىش كېرەكلىكى ئوتتۇرىغا قويۇلغانلىقىغا ئىشارەت قىلىنغان باياناتتا، ئىككى رەھبەرنىڭ تېلېفون سۆھبىتىدە سۈرىيە ۋە لىۋىيە مەسىلىلىرىنىڭمۇ مۇزاكىرە قىلىنغانلىقى قەيت قىلىنغانىدى.