erdoghan: térrorluqqa qarshi turush mesilisi - milliy mesile

türkiye awazi radiyosi xewiri: erdoghan jumhur reislik mehkimisi ichki kabinét yighinidin kéyin bayanat élan qilip: «térrorluqtin tartip herbiy – siyasiy özgirishkiche bolghan her xil usullarni ishlitip türkiyeni tiz püktürüshke urunghanlargha xelqimiz musteqilliqi we kelgüsige hayati bedilige ige chiqish arqiliq tarixiy sawaq berdi» dégenlerni qeyt qildi.

erdoghan mundaq dédi: «bizning 2015 - yili 7 - aydin bashlap chégrayimizning ichi we sirtida élip barghan heriketlirimizde shéhit bolup ketkenlerning sani  401 nepiri esker, 443 nepiri qoralliq saqchi qisim, 229 nepiri saqchi, 116 nepiri amanliq saqlighuchi bolup jemiy 1259dur. dölet ichide alte ming, sirtida 6900 bolup jemiy 12 ming 900 din artuq térrorchi yoqitildi. palech haletke chüshürülgen omumiy térrorchilar sani 17 ming 750 ke yetti.»

«bizning ötmüshimizde birmu rayon yaki xelqni mustemlike qilish eyibi yoqtur, bolmidi we bolmaydu» dégen erdoghan, sözini dawamlashturup: «men — özlirining ehwalining yer qalpiqi qarisidinmu nacharliqigha qarimay— dölitimizge insanliq, hoquq, adalet, erkinlik we démokratiye heqqide telim bermekchi bolghanlargha shuni deymenki, aldi bilen eynekke qarap, özünglarning réalliqi bilen yüzlishinglar» dégenlerni qeyt qildi.

erdoghan yene: «térrorluqqa qarshi turush mesilisi milliy mesile bolup, u her xil siyasiy talash - tartish, pilan we kündilik qutuplishishlarning üstide tutulushi kérek» dégenlerni sözlirige ilawe qildi.