türkiyening natogha eza bolghanliqining69-yilliqi tebriklendi
nato parlamént ezaliri mejlisining bashliqi gérald konnoli (Gerald Connolly) türkiyening ittipaq duch kelgen nurghun mesililerning aldinqi sépidin orun alghanliqini éytti.
türkiye awazi radiyosi xewiri: nato parlamént ezaliri mejlisining bashliqi gérald konnoli antalya diplomatiye munbiri teripidin bashlanghan we ijtimaiy taratqularda barghanséri yaqturulushqa érishiwatqan «120sékunt» yumtal pirogrammisigha qatniship, türkiyening natogha eza bolghan küni munasiwiti bilen tebrik uchurini ortaqlashti.
u türkiyening natogha eza bolghanliqining 69-yilliqini tebriklep: «türkiyening ortaq bixeterlikke we ortaq meniwiyetlerge qoshqan chong töhpiliri sewebidin türkiye xelqini tebrikleymen we teshekkür éytimen» dédi.
u sözini mundaq dawam qildi:
«türkiye 1952-yili natogha qatnashqandin tartip sabiq sowétlerning kéngeymichilikidin qara déngizdiki hujumlirighiche, térrorizmdin ottura sherqtiki keng kölemlik muqimsizliqqiche, ittipaq duch kelgen nurghun mesililerning aldinqi sépide orun aldi. bashtin tartip shimaliy atlantikning ittipaqchisi bolghan türkiye, ittipaqning her qaysi jaylardiki dostlirimiz bilen mürini mürige tirep, gherbiy balqanlar we afghanstanda muqimliqni ornitish tirishchanliqigha küch chiqirip, milyonlarche musapirgha quchaq échip chong rol oynidi. buninggha jawaben, natomu qoghdinishqa yardemchi bolush üchün, qachan lazim bolsa, shu chaghda türkiyening yénidin orun aldi.»
