éfiyopiye türkiyening muressechilik teklipini qizghin qarshi alidighanliqini bildürdi

türkiye awazi radiyosi xewiri: éfiyopiye tashqi ishlar ministirliqi bayanatchisi dina muptini türkiyediki ziyariti jeryanida bayanat bérip, dölitini sudan bilen urush halitige élip kiridighan fashka rayonidiki chégra ixtilapini diplomatik yollar bilen hel qilishning mumkinlikini bildürüp: «bizning küntertipimizde urush qilish yoq, eger türkiye teripidin muressechilik teklip qilinsa, éfiyopiye buni qizghin qarshi alidu» dédi.

türkiye bilen éfiyopiye 15- féwralda diplomatik munasiwet bashlanghanliqining 125 - yilini tebriklidi.

dölitimiz (türkiye jumhuriyiti) tashqi ishlar ministiri mewlüt chawushoghlu 15- féwralda éfiyopiye tashqi ishlar ministiri démeké mékonnén bilen éfiyopiyening paytext enqerediki elchixana binasini xizmetke kirishtürüsh murasimigha qatnashqanidi.