سۈرىيەدىن قانۇنسىز شەكىلدە تۈركىيەگە كىرىشكە ئۇرۇنغان ئالتە چەت ئەللىك قولغا چۈشۈرۈلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى بايانات ئېلان قىلىپ: «خاتاي نارلىجادا ۋەزىپە ئۆتەۋاتقان چېگرا مۇداپىئەسى بۈركۈتلىرىمىز سۈرىيەدىن قانۇنسىز يوللار ئارقىلىق دۆلىتىمىزگە كىرمەكچى بولغان بەشى رۇسىيەلىك، بىرى لىۋىيەلىك بولۇپ جەمئىي ئالتە كىشىنى قولغا چۈشۈردى» دېگەنلەرنى قەيت قىلدى.

باياناتتا يەنە: «قولغا چۈشۈرۈلگەنلەرنىڭ ئىچىدىكى رۇسىيەلىك بىر ئايالنىڭ دائېش تېرورلۇق تەشكىلاتىغا ئەزا بولغانلىقى ئۈچۈن تۇتۇش بۇيرۇقى چىقىرىلغانلىقى ئېنىقلاندى» دېگەن ئىبارىلەرگە ئورۇن بېرىلدى.