erdoghan: ey gherb siler qeyerde?

erdoghan iraqning shimalidiki gara rayonida13türkiye puqrasining térrorluq teshkilati teripidin qetl qilinghanliqi üstide toxtilip: «13 bigunah kishining öltürülüsh weqeside, bir qanche ajiz awazning sirtida, héchkimni körelmiduq. ey gherb siler qeyerde?»dédi.

1584774
erdoghan: ey gherb siler qeyerde?

türkiye awazi radiyodi xewiri: türkiye jumhur reisi qoshumche adalet we tereqqiyat partiyesining bashliqi rejep tayyip erdoghan 7-nöwetlik trabzon wilayetlik kongreside muhim söz qildi.

u: «muhim ilgirilesh hasil qilghan heriketlirimizni aldimizdiki mezgilde tehditler éghir bolghan rayonlargha qarita kéngeytimiz. bu weqe türkiyening p k k gha qarshi kürishi üchün iraqning shimalida we süriyede élip bériliwatqan heriketlerning, chégralirimizning bixeterliki, kélechikimiz üchün qanchilik muhim ikenlikini ispatlidi. shunga, qaysi uwisigha kirishidin qetiynezer, ularni uwisida tutup, shu yerde edipini bérimiz» dédi.

u yene mundaq dédi:

«öz bixeterliki we parawanliqi üchün dunyani ot chembirikige aylandurushtin yanmighanlarning özgirishchanliqi, bu xil ehwalda téximu éniq körünidu. bashqa döletning béshigha kelse pütkül dunya zilzilige kélidighan 13 bigunah kishining öltürülüsh weqeside, bir qanche ajiz awazdin bashqa türkiyeni qollighan héchkimni körmiduq. ey gherb siler qeyerde? néme üchün jim boluwalisiler? 15-iyul herbiy-siyasiy özgirish weqesi yüz berdi, awazinglar chiqmidi. awazinglar chiqsimu, chiqmisimu biz wezipimizni bilimiz. biz térroristlargha, bu dölette purset bermeymiz» dédi.

u garaning mesilisi köp rayon ikenlikini eskertip: «xuda buyrisa, gara qolgha chüshti, ish tügidi. uzundin buyan muhim ilgirileshlerni qolgha keltürgen heriketlirimizni aldimizdiki mezgillerde tehditler hazirmu éghir bolghan rayonlargha qarita kéngeytimiz. ikkinchi qétim mushundaq hujumlargha uchrimasliq üchün bixeter halgha kelgen jaylarda, qanchilik turush kérek bolsa shunchilik turimiz» dédi.



مۇناسىۋەتلىك خەۋەرلەر