әрдоған: әй ғәрб силәр қәйәрдә?
әрдоған ирақниң шималидики гара районида13түркийә пуқрасиниң террорлуқ тәшкилати тәрипидин қәтл қилинғанлиқи үстидә тохтилип: «13 бигунаһ кишиниң өлтүрүлүш вәқәсидә, бир қанчә аҗиз авазниң сиртида, һечкимни көрәлмидуқ. әй ғәрб силәр қәйәрдә?»деди.
түркийә авази радийоди хәвири: түркийә җумһур рәиси қошумчә адаләт вә тәрәққийат партийәсиниң башлиқи рәҗәп таййип әрдоған 7-нөвәтлик трабзон вилайәтлик конгрәсидә муһим сөз қилди.
у: «муһим илгириләш һасил қилған һәрикәтлиримизни алдимиздики мәзгилдә тәһдитләр еғир болған районларға қарита кеңәйтимиз. бу вәқә түркийәниң п к к ға қарши күриши үчүн ирақниң шималида вә сүрийәдә елип бериливатқан һәрикәтләрниң, чегралиримизниң бихәтәрлики, келәчикимиз үчүн қанчилик муһим икәнликини испатлиди. шуңа, қайси увисиға киришидин қәтийнәзәр, уларни увисида тутуп, шу йәрдә әдипини беримиз» деди.
у йәнә мундақ деди:
«өз бихәтәрлики вә параванлиқи үчүн дунйани от чәмбирикигә айландуруштин йанмиғанларниң өзгиришчанлиқи, бу хил әһвалда техиму ениқ көрүниду. башқа дөләтниң бешиға кәлсә пүткүл дунйа зилзилигә келидиған 13 бигунаһ кишиниң өлтүрүлүш вәқәсидә, бир қанчә аҗиз аваздин башқа түркийәни қоллиған һечкимни көрмидуқ. әй ғәрб силәр қәйәрдә? немә үчүн җим болувалисиләр? 15-ийул һәрбий-сийасий өзгириш вәқәси йүз бәрди, авазиңлар чиқмиди. авазиңлар чиқсиму, чиқмисиму биз вәзипимизни билимиз. биз террористларға, бу дөләттә пурсәт бәрмәймиз» деди.
у гараниң мәсилиси көп район икәнликини әскәртип: «худа буйриса, гара қолға чүшти, иш түгиди. узундин буйан муһим илгириләшләрни қолға кәлтүргән һәрикәтлиримизни алдимиздики мәзгилләрдә тәһдитләр һазирму еғир болған районларға қарита кеңәйтимиз. иккинчи қетим мушундақ һуҗумларға учримаслиқ үчүн бихәтәр һалға кәлгән җайларда, қанчилик туруш керәк болса шунчилик туримиз» деди.
