chawushoghlu bilen bilinkén téléfonlashti

türkiye awazi radiyosi xewiri: amérika tashqi ishlar ministiri bilinkén chawushoghlugha garada shéhit qilinghan 13 türkiye puqrasi üchün teziye bildürdi we bu hujumning jawabkarining bölgünchi térrorluq teshkilati p k k ikenlikini otturigha qoydi.

diplomatik menbelerdin igilengen uchurlargha qarighanda, ikki terep munasiwetliri muzakire qilinghan téléfon söhbiti jeryanida, chawushoghlu bilinkénni yéngi wezipisi munasiwiti bilen tebrikligen.

téléfon söhbitide ministir chawushoghlu bilen billinkén, bir qisim rayonluq mesililer bilen birlikte fetö (fethullahchi térrorluq teshkilati), p k k/p y d, térrorizmgha qarshi küresh, (türkiye rusiyedin sétiwalghan) s – 400 (bashqurulidighan bombidin mudapielinish sistémisi), süriye we sherqiy aqdéngiz mesililiri toghrisida sözleshken.

amérikaning yéngi hökümiti bilen özara hörmet qilishni asas qilghan ochuq we semimiy söhbetni tereqqiy qildurush toghrisida birdeklik hasil qilinghanliqi tekitlengen téléfon söhbitide, amérika terepning yéqinda élan qilghan bayanatliridin hés qilinghan biaramliqmu tilgha élip ötülgen.

ikki ministirning aldimizdiki künlerde kün tertiptiki barliq mesililerni téximu tepsiliy muzakire qilish toghrisida kélishkenliki qeyt qilindi.

amérika tashqi ishlar ministirliqining bu söhbetke munasiwetlik bayanatida «billinkén bilen chawushoghlu süriyediki urushning siyasiy usul bilen hel qilinishi yolidiki xizmetlerni qollash we hemkarliqni kücheytish toghrisida birdeklik hasil qildi» dégen ibarilerge orun bérildi.