чавушоғлу әнглийә вә моңғулийә ташқи ишлар министирлири билән телефонлашти

түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу әнглийә ташқи ишлар вәзири доминик рааб билән телефонлашти.

дипломатик мәнбәләрдин игиләнгән учурларға асасланғанда, мәвлүт чавушоғлу билән доминик раабниң телефон сөһбитидә қибрис мәсилиси вә икки тәрәп мунасивәтлири тоғрисида пикир алмаштурулған.

мәвлүт чавушоғлу йәнә моңғулийәниң йеңи ташқи ишлар министири батсетсег биләнму телефонлишип, уни тәбрилигән вә хизмитигә утуқ тилигән.