«yunus emre we türkche yili» qararnamisi élan qilindi

türkiye awazi radiyosi xewiri: jumhur reis erdoghan, resmiy gézitte élan qilinghan qararnamide, türk tili we medeniyitining asasliq ul tashliridin biri bolghan yunus emre wapatining 700 – yilliqi munasiwiti bilen, 2021 – yilining, birleshken döletler teshkilati maarip , ilim-pen we medeniyet orgini (UNESCO) teripidin xatirilesh we tebriklesh yillliri tizimlikige kirgüzülgenlikini qeyt qildi.

yunus emrening shéirlirida insan we tebiet söygüsi, xush péilliq, qérindashliq we tinchliq atalghulirini pasahetlik türk tili bilen bayan qilghanliqini we bu shéirlar arqiliq din, til we irq ayrimastin pütkül insaniyeke xitab qilghanliqini eskertken erdoghan, yunus emrening alemshumul insaniy qimmetler üstige bina qilinghan pelsepesi bilen dunya insanperwerlikige töhpe qoshush arqiliq, insanlarni ortaq qimmet ölchemliri etrapida birleshtürüp, dewrdin halqighan bir shairgha aylanghanliqini tekitlep mundaq dédi: «yunus emrening hem dunya insaniyitige ortaq bir qimmet süpitide teqdim qilinishi, hemde dölitimizge yene bir qétim xatiritilishi meqsitide, 2021 – yilining <bizning yunus> teriqiside xatirlinishi, yunus emrening mirasi bolghan türkchening ehmiyitining tekitlinishi, medeniyet tili kimliki bilen angliq halda we toghra shekilde ishlitilishini qolgha keltürüsh meqsitide, <dunya yili türkche> ismi bilen memliketning herqaysi jaylirida we chet ellerde seperwerlik paaliyetlirining ishqa kirishtürülüshi qararlashturuldi.»

jumhur reis erdoghan, bu dairide ötküzülidighan paaliyetlerning medeniyet we sayahet ministirliqining riyasetchilikide munasiwetlik dölet  orunliri we teshkilatliri bilen birlikte ishqa ashurulidighanliqini, bu paaliyetlerdin jumhur reislik sariyi teripidin békitilidighanlirining, jumhur reislik sariyining riyasetchilikide ötküzülidighanliqini éytti.