ئەردوغان: ۋاپات بولغانلار سانىدىكى تۆۋەنلەش ماڭا ئۈمىد بېغىشلىماقتا
جۇمھۇر رەئىس رەجەپ تاييىپ ئەردوغان كوۋىد – 19 يۇقۇمىنى تىزگىنلەش تەدبىرلىرى توغرىسىدا توختىلىپ، ئىلىم – پەن كومىتېتى باياناتلىرىنىڭ ئۆزى ئۈچۈن مۇھىم ھېسابلىنىدىغانلىقىنى ئەسكەرتتى.
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان كوۋىد – 19 يۇقۇمىنى تىزگىنلەش تەدبىرلىرى توغرىسىدا توختىلىپ، ئىلىم – پەن كومىتېتى باياناتلىرىنىڭ ئۆزى ئۈچۈن مۇھىم ھېسابلىنىدىغانلىقىنى ئەسكەرتتى ۋە سۆزىنى داۋاملاشتۇرۇپ: «ۋاپات بولغانلار سانىدىكى تۆۋەنلەش ماڭا كۈچلۈك ئۈمىد بېغىشلىماقتا» دېدى.
جۇمھۇر رەئىس ئەردوغان ئىستانبۇلدا بايانات بېرىپ، «(ۋىرۇسنىڭ) ئۆزگىرىش ھاسىل قىلغانلىقى توغرىسىدا بەزى سەلبىي ئۆزگىرىشلەرنىڭ بارلىقى راست، بىراق — ئىنشائاللاھ — ئۇنىمۇ يېڭىدىغانلىقىمىزغا ئىشىنىمەن» دېدى.
ئەردوغان ئېلون ماسك بىلەن ئۆتكۈزگەن ئۇچرىشىشى توغرىسىدا بولسا: «تۈركسات—5 ئا غا تەييارلىنىۋاتىمىز. مەن بىر دوستىمىزنى (ماسك بىلەن) بىرلىكتە قانداق ئىشلارنى قىلالايدىغانلىقىمىز توغرىسىدا ئىزدىنىشىكە مەسئۇل قىلىمەن، ئۇ ئېلون ماسك بىلەن ئالاقىنى ئىزچىل داۋاملاشتۇرىدۇ» دېگەنلەرنى قەيت قىلدى.
مۇناسىۋەتلىك خەۋەرلەر
ئەردوغان رومىنىيە پرېزىدېنتى كىلائۇس يوھاننىس بىلەن تېلېفونلاشتى
جۇمھۇر رەئىس رەجەپ تاييىپ ئەردوغان تۈنۈگۈن رومىنىيە پرېزىدېنتى كىلائۇس يوھاننىس بىلەن تېلېفونلاشتى.