türkiye kamérongha teziye bildürdi
türkiye, kaméronning gherbidiki dshang bazirida aldinqi küni yüz bergen qatnash weqeside qaza qilghanlar üchün teziye télégrammisi tarqatti.
türkiye jumhuriyiti tashqi ishlar ministirliqi yazma bayanat élan qilip, 27 – yanwardiki qatnash weqeside 53 ademning qaza qilghanliqidin chongqur qayghurulghanliqini bildürdi.
bayanatta: «kaméron xelqi we hökümitining bu échinishliq weqege munasiwetlik azabini ortaqlishimiz, hayatidin ayrilghanlarning aile – tawabiatlirigha teziye bildürimiz, yarilanghanlargha téz shipaliqlar tileymiz» dégen ibarilerge orun bérildi.
kaméron taratquliri, 70 dek yoluchi olturghan bir aptobusning dishang bazirigha yéqin yerdiki falays rayonida bir yük mashinisi bilen soqulup ketkenlikini, weqede deslepki tekshürüshlerge asaslanghanda, 53 ademning qaza qilghanliqi, 29 ademning yarilanghanliqini we soqulushning tesiride mashinilargha ot ketkenlikini xewer qilghanidi.
