хитайға бор тошуш пойизи йолға чиқти

хитайниң шиән шәһиригә баридиған йеңи екиспорт пойизи әнқәрә пойиз истансисидин йолға чиқти.

1573514
хитайға бор тошуш пойизи йолға чиқти

түркийә авази радийоси хәвири: баку – тифлис – қарс төмүр йоли линийәсидин түркийә билән хитай оттурисида ишлитилидиған үчинчи експорт пойизиниң тәййарлиқ хизмәтлири тамамланди.

түркийәдин хитайға баридиған пойизни енергийә вә тәбиий байлиқлар министири фатиһ дөнмәз билән қатнаш вә қурулуш министири адил қараисмаилоғлу узитип қойди.

министир дөнмәз бу йәрдә қилған сөзидә, түркийәдин хитайға төмүр йоли арқилиқ тунҗи бор експортиниң ишқа ашурулғанлиқини тәкитләп  мундақ деди: «деңиз йоли арқилиқ тәхминән 45 – 60 күн арилиқида ишқа ашуруп келиватқан експортни 15 – 20 күн ичидә тамамлийалаймиз.»

42 контейнер ичидә тошулидиған бор, әти кан ишлири баш идариси тәрипидин хитайға експорт қилинмақта.

пойизниң дөләт ичидики сәпири әнқәрә – сивас линийәсидин башлиниду, гирузийә – әзәрбәйҗан – һазар деңизи өтүш еғизи – қазақистан арқилиқ хитайда тамамлиниду.

пойизниң хитай сәпири уда 12 күн давамлишиду. пйиз бу сәпәр җәрйанида 2 қитә, 2 деңиздин һалқип, җәмий 7 миң 792 километирлиқ мусапини бесип өтиду.



مۇناسىۋەتلىك خەۋەرلەر