chawushoghlu izdinish söhbetlirining ehmiyitini tekitlidi

türkiye awazi radiyosi xewiri: mewlüt chawushoghlu bilen irélandiye tashqi ishlar, qoshumche mudapie ministiri simon kowénéy ministirliqta körüshkendin kéyin birleshme axbarat élan qilish yighini achti.

chawushoghlu türkiye bilen girétsiye otturisidiki izdinish söhbetlirige dair bir soalgha: «besh yildin buyan ishqa ashurulalmighan <kéngesh yighinliri>, burunqi nami bilen <izdinish söhbetliri> düshenbe küni istanbulda ötküzüldi. dostlirimizning bizge bayan qilishiche, yighin nahayiti ijabiy keypiyat ichide ötti» dep jawab berdi.

chawushoghlu, yighinning 61- nöwetlikining ötküzülgenlikini eslitip: «ilgiri némiler muzakire qilinghan bolsa, u mesililer bu yighindimu muzakire qilindi. elwette, bir yaki barliq mesililerning yighinda hel qilinishini kütkili bolmaydu. eslige kélishi muhim idi. elwette, sahibxanliq qilish nöwiti emdi girétsiyede» dédi.

ikki dölet birdeklik hasil qilalmighan mesililerning burundin tartip mewjut bolup kelgenlikige isharet qilghan chawushoghlu: «bu mesililerni qandaq hel qilish toghrisida meslihetlishish ikki qoshna otturisida héch bolmighandimu soghuqchiliqning hazirche peskoygha chüshüshige, belkim kelgüside bu mesililerge üzül – késil chare tépishqa paydisi bolidu» dégenlerni sözlirige ilawe qildi.