chawushoghlu irélandiye tashqi ishlar ministiri bilen körüshti

türkiye awazi radiyosi xewiri: türkiye tashqi ishlar ministiri mewlüt chawushoghlu bilen resmiy ziyaret üchün paytext enqerege yétip kelgen irélandiye tashqi ishlar ministiri we dölet mudapie ministiri simon kowénéy körüshüshni axirlashturup, axbarat élan qilish yighini ötküzdi.

mewlüt chawushoghlu irélandiyelik mensepdéshini kütüwalghanliqtin memnunluq hés qilghanliqini bildürüp, köp tereplik munasiwetlerni, bolupmu soda we iqtisadiy sahelerde qandaq tereqqiy qilduralaydighanliqlirini muzakire qilghanliqlirini eskertti.

u: «ötken yili (2020) texminen 1.5 milyar dollar etrapida omumiy soda hejimi emelge ashti. buni 3 milyard dollargha nahayiti asan chiqiralaymiz» dédi.

u sayahetchilikning, ikki döletning hem iqtisadiy hemde insaniy munasiwetler nuqtisidin intayin muhim sahe ikenlikini bildürüp: «2019-yili 95 minggha yéqin irélandiyelik sayahetchi dölitimizni ziyaret qildi. elbette, wuxen wirusi (Kovid-19) sewebidin sayahetlerge cheklimiler qoyuldi, emma bixeter sayahet uqumi bilen ötken yili 15 milyon sayahetchi dölitimizni ziyaret qildi» dédi.

u irélandiyelik mensepdéshi bilen wuxen wirusigha qarshi turush témilirinimu muzakire qilghanliqlirini bildürüp: «aldimizdiki künlerde kishilerning erkin heriket qilalishi üchün siyasetchiler we hökümet bolush süpitimiz bilen, üstimizge chüshken wezipimizni ada qilimiz. dölitimizde téximu köp irélandiyelik sayahetchini kütüwélishni ümid qilimiz» dédi.

u axirida, irélandiyening türkiyening yawropa ittipaqigha eza bolush musapisini bashtin tartip qollap kelgenliki üchün teshekkür éytti.