türkiye «holokost» qurbanlirini xatirilesh küni munasiwiti bilen bayanat élan qildi
türkiye, natsistlar hakimiyiti we hemkarlashquchiliri teripidin sistémiliq halda qestlep öltürülgen 6 milyon yehudiy bilen siganlar we méyiplarni qoshqanda, jemiy 11 milyon «holokost» (chong qirghinchiliq) qurbanlirini hörmet bilen esleydighanliqini bildürdi.
türkiye awazi radiyosi xewiri: türkiye tashqi ishlar ministirliqi «xelqara <holokost> ( chong qirghinchiliq)ni xatirilesh küni» munasiwiti bilen élan qilghan yazma bayanatida, türkiyening 2005-yili 1 - sintebirde b d t gha sunishi bilen b d t teripidin her yili 27 - yanwarning «xelqara <holokost> ( chong qirghinchiliq)ni xatirilesh küni» dep békitilgenlikini eskertti.
tarixta misli körülmigen «holokost» (chong qirghinchiliq) qa oxshash azabliq weqeler turughluq, hazirmu yehudiy nepriti, islamgha öchmenlik qilish, chetelliklerge düshmenlik qilish we irqchiliq qatarliq kemsitish idiologiyelirining asas yaritiwatqanliqini tekitlidi.
nepretni asas qilghan bayanatlar we jinayetler miqdarida dunya boyiche éshish körüliwatqanliqining tolimu endishe yaratqanliqi tekitlengen bayanatta yene, türkiyening xelqaraning tinchliqi we bixeterlikige tehdit shekillenduridighan nepret asasidiki her xil xiriislargha shundaqla her türlük ayrimchiliqlargha qarshi kürishini qetiy irade bilen dawamlashturidighanliqi bildürüldi.
bayanatta bu meqset bilen xelqara hemkarliq ornitilishning muhimliqi tekitlinip, «xelqara <holokost> ( chong qirghinchiliq)ni xatirilesh küni» munasiwiti bilen natsistlar hakimiyiti we uning hemkarlashquchiliri teripidin rehimsizlerche öltürülgen yehudiylar bilen siganlar we méyiplarni qoshqanda, jemiy 11 milyon <holokost> (chong qirghinchiliq) qurbanlirini hörmet bilen esleymiz. bu wehshiyliktin qutulishi üchün ziyankeshlikke uchrighuchilargha yardem qolini sozghan türk diplomatiye xadimlirimizni yene bir qétim hörmet bilen xatirleymiz» déyildi.
bayanatta yene, ötmüshte natsistlar hakimiyitining zulumliri sewebidin döletlirini tashlap chiqip kétishke mejbur bolghan minglighan yehudiylargha sahibxanliq qilip, <holokost> ( chong qirghinchiliq)idin qutulishini ishqa ashurghan türkiyening, bügünmu zulum we wehshiliklerdin qéchip kéliwatqanlargha derwazisini ochuq tutuwatqanliqi we milyonlighan insanning qoghdinishini ishqa ashuriwatqanliqi tekitlendi.
bayanatta ötmüshtiki pajielerning qayta yüz bérishining aldini élish üchün xelqara jemiyetni insanperwerlik pirinsiplirini aldinqi orungha qoyushqa chaqiriq qilindi.