hujumgha uchrighan paraxotqa yardem bérish etriti gabongha yétip bardi

türkiye awazi radiyosi xewiri: türkiyening libréwildiki bash elchixanisi tiwittér arqiliq bayanat bérip, gabongha yétip barghan 22 kishilik yardem bérish etritining bash elchi nilüfer erdem qayghisiz teripidin kütüwélinghanliqini uqturdi.

bayanatta, bu etretning bügün paraxot lengger tashlighan géntil portigha bérip, paraxotqa chiqidighanliqi bildürüldi.

libériye bayriqi ésilghan «mozart» namliq paraxot 23- yanwar nigériyening lagos shehiri déngiz qirghiqidin 180 mil yiraqliqta déngiz qaraqchilirining hujumigha uchrighanidi.

lagostin jenubi afriqaning kéyptown shehirige qarap yolgha chiqqan paraxottiki 19 paraxot xadimining ezerbeyjanliq bir mensupi öltürülgen, 15 adem tutqun qilinip élip kétilgenidi.

hujumgha uchrighan paraxot üch neper matros teripidin gabonning géntil portigha élip kélingenidi.