erdoghan déngiz qaraqchilirining hujumigha uchrighan paraxotning kaptani bilen yene bir qétim téléfonlashti

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, weqege alaqidar barliq özgirishlerni yéqindin közitip kéliwatqan jumhur reis erdoghan, gabongha lenggerlengen paraxotning hujumdin qortulghan üch xadimining salametlik ehwali toghrisida uchur igiligen we ulargha yene bir qétim teselliy bergen.

jumhur reis erdoghan tutqun qilinghan xadimlarni qutquzush xizmitining jiddiy dawam qiliwatqanliqini bildürgen.

yene bir tereptin, türkiyening libréwilda turushluq bash elchisi nilufer erdem qayghisiz déngiz qaraqchiliri teripidin bolap kétilgen «mozart» namliq türk yük paraxotining hujumdin qortulghan üch xadimi bilen körüshti.

libériye bayriqi ésilghan «mozart» namliq paraxot tünügün nigériyening lagos déngiz qirghiqidin texminen 180 mil yiraqliqta déngiz qaraqchilirining hujumigha uchrighanidi.

nigériyening lagos shehiridin jenubiy afriqaning kéyptawn shehirige qarap yolgha chiqqan paraxotqa qilinghan tünügünki hujumda paraxotning 19 xadimining bir ezerbeyjanliq xizmetchisi qaza qilghan, 15 i görüge élip qéchilghanidi.

hayat qalghan üch kishi paraxotni tünügün gabonning géntil portida lenggerligenidi.