бүгүн хитайдин 6 милйон 500 миң актипсиз дора ваксина түркийә йетип кәлди
хитайдин заказ қилинған иккинчи түркүм ковид-19 ваксиниси йүкләнгән айропилан истанбул айродорумиға қонди.
1570259
түркийә авази радийоси хәвири: ковид-19 ваксиниси йүкләнгән түркийә авиатсийә ширкитигә тәвә «TK 6175» учуш нумурлуқ « Boeing 777» типлиқ айропилан әтигән саәт 06.15 дә истанбул айродорумиға қонди.
кечидә хитайниң пайтәхти бейҗиң айродорумидин йолға чиққан айропиланниң истанбулға қонуши билән ковид-19 ваксиниси йүкләнгән контейнерлар таможна рәсмийәтлиридин кейин айропиландин амбарларға йөткәлди.
айропиланда 10 милйон актипсиз дора ваксинисиниң иккинчи қисминиң биринчи түркүмини тәшкил қилған 6 милйон 500 миң актипсиз дора ваксиниси елип келингәнлики билдүрүлди