erdoghan tashqi siyasetni bahalash yighinigha riyasetchilik qildi

türkiye awazi radiyosi xewiri: jumhur reislik uchur - alaqe idarisi teripidin élan qilinghan bayanatta, yighinda sherqiy aqdéngiz, liwiye, taghliq qarabagh we süriye qatarliq rayon xaraktérlik mesililer hemde yawropa ittipaqi bilen bolghan munasiwetlerni kücheytish üchün tashlinidighan qedemlerning muzakire qilinghanliqi bildürüldi.

yighinda herqaysi döletler bilen bolghan özara munasiwetlerdin yer shari xaraktérlik mesililerge qeder, nurghun témilardin sirt, yéngi tashqi siyaset weziyitige qarap chiqilghanliqi, türkiyening barliq sahelerdikige oxshash tashqi siyasettimu tesirini ashuridighan, heq - hoquq we menpeetlirini qoghdaydighan shundaqla nopuzini téximu yuqiri kötüridighan qedemlerni tashlashni diplomatiye we dialog yoli arqiliq qetiy dawamlashturushi kérekliki tekitlengen.

yighingha tashqi ishlar ministiri mewlut chawushoghlu, dölet mudapie ministiri xulusi aqar, jumhur reislik uchur - alaqe idarisi bashliqi faxrettin altun we jumhur reislik bayanatchisi ibrahim kalinmu qatnashqan.