бартинда чөкүп кәткән русийә йүк парахотиниң 2 нәпәр хадими қаза қилди
бартинниң инқуму деңиз тәвәликидә чөкүп кәткән русийә байрақлиқ қуруқ йүк парахотиниң 2 нәпәр хадими қаза қилди вә 6 нәпәр хадим қутқузивелинди.
1565295
түркийә авази радийоси хәвири: бартин деңиз саһилидин тәхминән 200 метир йирақлиқта чөкүп кәткән парахотниң 2 нәпәр хадими һайатидин айрилип, 6 нәпәр хдими деңиз қирғиқи муһапизәт әтрити тәрипидин қутқузувелинди.
бартин валий мәһкимисиниң байанатиға асасланғанда, парахоттики башқа хадимларни издәш вә қутқузуш хизмәтлири давамлашмақта.
түркийә дөләт мудапиә министирлиқиму издәш вә қутқузуш хизмәтлиригә йардәм бериш үчүн деңиз армийәси қоманданлиқ иштабиға тәвә бир қоғдиғучи парахотни вәзипигә тәйинлигәнликини елан қилди.
