дөләт мудапиәмизниң даирисини тор вәтинимизниң саһәсигичә кеңәйтимиз

түркийә авази радийоси хәвири: җумһур рәис әрдоған, миллий сарайлар оргини тәрипидин истанбулдики долмабаһчә сарийиниң шаһзадә башқармисида өткүзүлгән, рәсим – һәйкәл музейиниң ремунт хизмити тамамланғандин кейин, музейни қайта ишқа кириштүрүш мурасимида қилған сөзидә, мундақ деди: «һәрқайси хәлқләрниң әсли байлиқи уларниң мәдәнийәткә қошқан төһпилири билән өлчилиду. йеқиндин буйан <сәлчуқийлар дөлити вә османли империйәсиниң мирасилириниң заманиви намайәндиси> дейишкә болидиған йеңичә бинакарлиқ услубини дөлитимиздә кәк омумлаштурушқа тиришиватимиз. дунйада сийасий вә иқтисадий күч тәңпуңлуқлири қайтидин шәкиллиниватқан бир дәвргә қәдәм қойуватқан шу күнләрдә, һәммидин бәкрәк әһмийәт беришимизгә тегишлик хусусларниң мәдәнийәт, маарип вә аилә икәнликигә ишинимән. нөвәттә һәрқайси дөләтләрниң игилик һоқуқлири физикилиқ чегра линийәлиридинму бәкрәк дигитал дунйада һуҗум астида турмақта. һазир йеңи бир дәвр башлиниш алдида туруватиду. бу дәврниң исми <дигитал дәвр> дур. шуңа, дигитал вәтәнни қоғдашниң бир тәрипидә техникилиқ қурулма болса, йәнә бир тәрипидә, мәзмун ишләпчиқириш бардур.»

вәтәнни қоғдаш даирисини һәм деңизда көк вәтән сүпитидә, һәмдә дигитал дунйада тор муһити астидики вәтәнни өз ичигә алидиған шәкилдә кеңәйтидиғанлиқлирини әскәрткән җумһур рәис әрдоған, мундақ дәп көрсәтти: «алдимиздики мәзгилдә тор муһити астидики вәтәнни, һәм техникилик қурулмимизни күчәйтидиған һәмдә илһамини өз мәдәнийитимиздин алидиған мәзмун ишләпчиқиришимизни ашурған һалда қоғдаш ирадимиз қәтийдур.»

йеқиндин буйан түрк телевизийә тийатирлириниң дунйа миқйасида қизғин алқишқа еришиватқанлиқи тоғрилиқму тохталған әрдоған, мундақ деди: «миллий тарихимиз вә мәдәнийитимизни әкс әттүридиған телевизийә тийатирлиримиз дунйаниң һәрқайси җайлирида йақтуруп көрүлүватқан болса, буму бизниң тоғра йолда алға илгириләватқанлиқимизниң намайәндисидур.»