erdoghan: milliy qurulmimizni eng yüksek sewiyege yetküzimiz

türkiye awazi radiyosi xewiri: jumhur reis erdoghan, radiyo – téléwiziye we zhurnalistlar jemiyitining «2019 – yilliq axbarat wasitiliri sahesi oskar mukapatliri» murasimida qilghan sözide, ammiwi taratqu shirketlirining, türkiyediki sot mehkimilirining térrorizm we zorawanliqni maxtaydighan shexslerning sehipiliri heqqide chiqarghan qararlirining héchbirige riaye qilmighanliqini tekitlep mundaq dédi: «xelqimizning heq – hoquqlirini közitish mesiliside özlirini qanundinmu üstün dep qaraydighan ammiwi taratqu shirketlirining qetiy bésimlirigha bash egmeymiz. biz dölitimizning chégraliri ichide térrorizmgha qandaq yol qoymighan bolsaq, térrorizmgha zémin hazirlinishighimu shundaq yol qoymaymiz .»

téz uchur yollash pirogrammiliri toghriliqmu toxtalghan jumhur reis erdoghan, mundaq dep körsetti: «aldimizdiki mezgilde, biz bu sahediki yerlik we milliy ul eslihe qurulmilirimizning küchini biz arzu qilghan eng yüksek sewiyige yetküzimiz.»