erdoghan: bizge 2023 nishanlirigha toluq yetmey toxtap qélish haram

türkiye awazi radiyosi xewiri: jumhur reis, qoshumche adalet we tereqqiyat partiyesi reisi erdoghan, partiyesining 7 – nöwetlik qirshehir, qiriqqele, yozgat we siwas wilayetliri qurultaylirigha sin körünüshlük ishtirak qildi.

erdoghan, partiyesining kowid – 19 yuqumi sewebidin toxtitip qoyulghan qurultaylirini bügündin tartip eslige keltürgenlikini tekitlep: «meqsitimiz féwralning axirqi künliride échishni pilanlighan izmir, enqere we istanbul qurultayliri bilen bu jeryanni tamamlashtin ibaret» dédi.

u, 2023- yildiki saylamda mutleq köp sanliqqa wekillik qilidighanliqlirini, hemde jumhur reislik saylimida yene ghelbe qilidighanliqini bayan qilip: «dölitimiz (türkiye jumhuriyiti qurulghanliqining 100 yilliqi bolghan)ni 2023 nishanlirigha toluq yetküzmey turup, bizge toxtash, turup qélish, hetta bir minutni israp qilishmu haram» dédi.

«bizni ne térrorluq teshkilatlirining qara niyetliri, ne quyruq aghriqi bilen bizge hujum qilghanlarning oyunliri, ne aldimizgha qurulghan qiltaqlar charchitalmaydu» dégen erdoghan sözini dawamlashturup: «biz ularning hemmisini yengduq, yéngimiz» dégenlerni qeyt qildi.